Nadakpan ang usa ka mag-uuma nga nailhan nga bag-ong drug personality atol sa sa gipahigayong search warrant operation kagahapong adlawa, Setyembre 29, 2025, sa lungsod sa Pantar, Lanao del Norte.
Giila ang suspek nga si alias Jaber, 32 anyos, minyo, ug residente sa Barangay Sundiga, Punod, Pantar sakop sa nahisgutang probinsya.
Nasakmit gikan sa suspek ang gitouhang drugang shabu nga adunay gibug-aton nga 10 gramos, nga adunay standard drug price nga Php 68,000 lakip na ang uban pang mga drug paraphernalia.
Gidakop ang suspek sa dihang gipahigayon ang operasyon pinaagi sa Search Warrant No. SW-25-0183 nga giisyu ni Presideng Jugde Judge Ali Ombra R. Bacaraman sa RTC Branch 4, Iligan City, human gisilbi sa mga personahe sa Pantar Municipal Police Station katambayayong ang Provincial Intelligence Unit, 1005th Maneuver Company ug RMFB 10 ilalom sa koordinasyon sa PDEA.
Giatubang karon sa suspetsado ang mga kasong may kalabotan sa paglapas sa Sections 11, 12, ug 15, Article II sa Republic Act 9165 o ang Comprehensive Dangerous Drugs Act of 2002.
Sa pagkakaron, anaa na sa kustodiya sa Pantar Municipal Police Station ang suspek samtang giandam na ang pormal nga pagsang-at sa kaso batok kaniya.
Samtang ang mga narekober nga ebidensya gidala na sa Iligan City Forensic Unit alang sa qualitative ug quantitative examination.
Photo Courtesy to:Pantar Municipal Police Station
