Gibutyag ni Commission on Population and Development kon CPD-X Regional Director Aldrin Omega nga nakahan-ay na ang ilang mga aktibidad karong tuiga hangtud 2028 sa pagpakunhod sa teenage pregnancy.
Matod ni Omega nga ubay-ubay na ang ilang mga pamaagi sa pagsulbad aron makunhoran ang pagsaka sa mga kabataan nga nagburos sa Region-10. Nakigtimbayayong usab sila sa ubang ahensya sama sa DSWD, DILG, LGU, NEDA ug uban pa, sa tumong nga moubos ang ihap sa walay pu-as nga pagsaka sa nagburos nga kabataan.
Samtang gi-angkon sa director nga ang Project 25@28 lisod kini nga pagahimoon, labi na sa mga hagit sa pagpa-ubos sa mga nagbuntis matag-tuig ug naka-apektar usab kini sa dugang ekonomiya sa nasud, apan ilang paningkamutan nga kini maminusan ang mahimong batang mabdos.
Photo courtesy: Commission on Population and Development Region X
