Gipaluyohan sa Provincial Government of Bukidnon kauban ang National Historical Commission of the Philippines (NHCP) ang duha ka adlaw nga Training-Workshop bahin sa Commemoration, Historic Sites, ug Preservation of Heritage sa Kaaamulan Folkarts Open Theater Malayabaly City Setyembre 30 –Oktobre 01, 2025
Gisugdan ang kalihokan pinaagi sa mensahe ug overview ni NHCP Deputy Executive Director Alvin R. Alcid, naglakip sa mga proseso sama sa pagdeklara sa holidays, pagngalan ug pag-usab sa mga pampublikong dapít, pagtudlo sa Flag and Heraldic Code of the Philippines, ug pagpatuman sa mga protocol practices sa national ug local observances
Sa exclusive mga pakighinabe sa Juander Radyo Malaybalay, iyang gipadayag ang tumong sa training mao ang paghatag og klaro nga programa sa NHCP alang sa mga Local Government Units (LGUs) diin ang aktibidad nagtinguha pag-edukar sa katawhan sa Bukidnon kung unsaon pag-amping ug pagpreserba sa mga kasaysayanong identidad sa matag lugar aron dili kini mawala sa paglabay sa panahon sama sa tradisyon sa Kaamulan Festival
Modawat sa sertipiko ang mga partisipante, nga nagpasabot sa ilang paningkamot ug pagkugi sa pagpalambo sa konserbasyon sa kabilin ug pagdasig sa kahibalo sa kasaysayan sa ilang tagsa-tagsa ka komunidad.
Ang maong kalihukan nagpamatood sa dakong papel sa Bukidnon sa pagpanalipod sa kultura ug kasaysayan aron mapadayon ug mapasa sa umaabot nga henerasyon.
