Gipasabot ni Chinese President Xi Jinping atol sa UN Climate Summit nga ang China magpahigayon og 10% nga pagkunhod sa greenhouse gas emissions sulod sa sunod nga dekada. Ang maong plano naglakip sa pagdoble sa kapasidad sa wind ug solar power, nga gituohang makahatag og dako nga kontribusyon sa kalibutanon nga paningkamot batok sa climate change.
Matud pa sa Pangulo, ang Beijing seryoso sa pagtuman sa internasyonal nga obligasyon ug nagtinguha nga mahimong panguna nga pwersa sa renewable energy transition. Sa pagkakaron, ang China mao ang pinakadako nga emitter sa carbon dioxide sa tibuok kalibutan, apan kini usab ang may labing taas nga kapasidad sa solar ug wind installations.
Ang desisyon gidayeg sa daghang lider sa kalibutan, apan adunay kritisismo nga ang 10% nga target posibleng dili igo aron maabot ang Paris Agreement goals.
Gilauman nga ang maong aksyon sa China makapadasig usab sa ubang nasod nga magpadayon sa mas agresibong mga plano batok sa global warming.
Photo Courtesy to:Terrascope
