Gideklarang dead-on-arrival sa tambalanan ang duha ka driver sa duha ka motorsiklo nga nagsungag sa National Highway sa Sitio Dagao, Barangay Poblacion, Siayan, Zamboanga del Norte niadtong Septyembre 28, 2025.
Base sa inisyal nga imbestigasyon sa Siayan Municipal Police Station, gimaneho sa 28 anyos nga lalaki, minyo ug residente sa Jose Dalman, Zamboanga del Norte ang itom nga Honda XR 150CC, ug adunay duha ka mga backride.
Samtang ang vehicle 2 nga Honda XR 150CC, color puti, adunay plate number nga J720 RF, gimaneho usab sa 27 anyos nga lalaki, ulitawo ug residente sa lungsod sa Sindangan.
Paghidangat sa lugar nahitabuan, aksidenteng nagkasungag ang duha ka motorsiklo. Tungod sa kakusog sa impact sa panagbangga, nalabay sa konkretong dalan ang parehong driver ug mga backriders hinungdan sa grabeng injuries nga naangkon.
Dali nga gidala sa Siayan Diagnostic Center ang mga biktima, apan gideklarang dead-on-arrival ang parehong mga driver, samtang ang duha ka backriders ang padayon pa usab nga giatiman sa doktor.
Ang duha ka mga motorsiklo ang anaa kini gidala sa kustudiya sa Siayan MPS alang sa tukmang disposisyon.
Photo Courtesy: Siayan MPS
