Nakit-ang nagbuy-od nga wala nay kinabuhi sa daplin sa dalan ang usa ka lalaki gituohang gipusil alas 11:40 sa buntag kagahapon Setyembre 26, 2025 sa may Purok-3A, Barangay Kahaponan, Valencia City, Bukidnon.
Ang biktima giila sa iyang pamilya nga si Julie Apoyan Gonzaga 35 anyos, lalaki, minyo ug residente sa Purok-3A, Barangay Tongantongan sa maong dakbayan
Base sa inisyal nga imbestigayon nadiskubrehan nga adunay samad pinusilan sa ulo ang biktima dihang nag buy-od tupad sa gimaneho nga sidecar nga motorsiklo
Narekober pipila ka metros gikan sa crime scene ang usa ka gituohang basiyo sa bala sa cal. 45 nga armas
Sumala sa mga residente sa palibot nadungog nila ang duha ka kusog nga buto sa wala pa ang insidenti
Sa karon ang Valencia City Police Station nagpahigayon sa dragnet ug hot pursuit operation alang sa posibleng pag-ila ug pagdakop sa (mga) miikyas nga suspetsado.
Via : VALENCIA CITY PNP
