Nadakpan ang usa ka wanted person giila nga si alias “Romulo”, 59 anyos, usa ka mag-uuma, minyo, ug lumulopyo sa Purok 8, Barangay Lapinig, Kapatagan, Lanao del Norte, atol sa gipahigayong Manhunt Charlie Operation sa may alas 12:30 sa udto, Setyembre 25, 2025 nga gipangunahan sa mga sakop sa 2nd Provincial Mobile Force Company sa Lanao del Norte Police Provincial Office kauban ang Kapatagan Municipal Police Station ug ang Provincial Intelligence Unit.
Base sa impormasyon sa kapulisan, si alias Romulo gidakop pinaagi sa gahom sa Warrant of Arrest alang sa kasong Attempted Murder ubos sa Criminal Case No. 21-1713 nga gipagawas ni Presideng Judge Jacob T. Malik, sa RTC Branch 21, 12th Judicial Region sa Kapatagan, Lanao del Norte, penetsahan kaniadtong Abril 30, 2009, ug adunay girekomenda nga piyansa ang korte nga mobalor ug Php 120,000.00.
Sa pagkakaron ang suspetsado anaa na sa kustodiya sa Kapatagan Municipal Police Station samtang nagpadayon ang dugang legal nga proseso.
Photo courtesy to: LDNPPO
