Patay ang usa ka maestra nga driver sa motorsiklo sa nahitabong disgrasya sa National Highway, Purok Orchids, Barangay Upper Irasan, Roxas, Zamboanga del Norte, kapin kon kulang alas 5:40 sa hapon, Septyembre 25, 2025.
Giila ang biktima nga si Ms. Eden Baguinat magtutudlo sa Jose Bael Elementary School sa Roxas District. Sumala sa imbestigasyon sa kapulisan, ang biktima ang nagmaneho sa motorsiklo ug nagsunod sa usa ka Toyota Hilux nga naggikan sa lungsod sa Manukan ug paingon kini sa Katipunan.
Paghidangat sa lugar sa insidente, miovertake ang Hilux sa usa ka truck, samtang misunod usab sa pag-overtake ang motor nga gimaneho sa biktima apan wala damha nga na-sideswiped kini sa Hilux hinungdan sa pagkahagba niini sa karsada.
Nakaangkon ug mga seryosong injuries sa lawas ang biktima ug gisulayan pa pagdala sa Rural Health Unit sa Barangay Langatian, Roxas, Zamboanga del Norte apan gideklara na kining dead on arrival sa nag-atiman nga doctor.
Parehong ang motorsiklo ug ang Toyota Hilux ang anaa kini sa kustudiya sa Roxas MPS alang sa tukmang disposisyon.
Photo Courtesy: Alven Vlog
