Gisugdan na niadtong Miyerkules Setyembre 24, 2025, sa Department of Social Welfare and Development (DSWD) Field Office XI ubos sa Pag-abot Program ang halapad nga Reach Out Activity sa mga nag-unang kalsada sa siyudad sa Digos.
Sa maong operasyon, pito (7) ka pamilyang Badjao nga adunay kapin 28 ka indibidwal ang natuki ug temporaryong gidala sa pasilidad sa lungsod aron sila i-profilar ug hatagan dayon og tukmang tabang ug interbensyon.
Gipangulohan kini sa DSWD XI uban ang City Government of Digos pinaagi ni Mayor Josef F. Cagas, ug sa City Social Welfare and Development Office (CSWDO) nga giatiman ni Department Head Elmie A. Vibas, kauban usab sa lakang ang technical working group nga naglakip sa PNP, CSU, CDRRMO ug Traffic Group.
Matod pa ni Coleen Grace Onod, Social Welfare Officer III, nga ang tumong sa Pag-abot Program mao ang “pag-abot ug pag-alalay” sa mga katawhan nga nagapuyo sa kalsada aron matagaan sila og higayon nga makabalik sa mas luwas, mas hapsay ug mas maaliwalas nga pagpuyo.
SOURCE: DSWD XI- DAVAO REGION
