Gitay-og sa linog nga 6.2 magnitude ang kasadpang ug amihanang bahin sa Venezuela lakip ang kapital nga Caracas niadtong nakalabay nga adlaw , base sa US Geological Survey.
Ang epicenter anaa duol sa Mene Grande sa estado sa Zulia sa giladmon nga 7.8 kilometro. Bisan daghang tawo ang migawas sa mga kadalanan human mangurog ang mga building, gipasabot sa Interior Minister Diosdado Cabello nga walay dakong kadaot nga nareport.
Ang pag-uyog nasinati usab sa Colombia ug sa mga isla sa Caribbean sama sa Aruba, Curacao ug Bonaire. Samtang ang Funvisis sa Venezuela misukod niini og 5.4 magnitude.
Bisan pa nga 80 porsyento sa populasyon sa nasud puyo sa seismic zones, wala nay dako nga linog nga natala sukad 1997 diin 73 katawo ang namatay sa Cariaco, ug sa 1976 nga kapin 300 ang nangamatay sa Caracas.
Photo courtesy to: Tiktok
