Giwagtang sa Department of Agriculture (DA) ang temporaryong importation ban sa manok ug uban pang poultry products gikan sa Israel ug South Dakota, United States, human makompirmar nga kontrolado na ang kaso sa Highly Pathogenic Avian Influenza (HPAI) sa nahisgutang mga lugar.
Si Agriculture Secretary Francisco Tiu Laurel Jr. miingon nga ang importasyon sa poultry meat, day-old chicks, karne sa manok, ug semilya alang sa artificial insemination gitugutan na usab.
Sumala sa DA, ang desisyon gibase sa usa ka taho gikan sa World Organization for Animal Health (WOAH) ug opisyal nga komunikasyon gikan sa mga awtoridad sa beterinaryo sa Israel ug South Dakota, nga nagpamatuod nga ang hulga sa HPAI nawala sa giingon nga mga rehiyon.
Kini nga lakang gilauman nga makatabang sa pagpadako sa suplay sa mga produkto sa manok sa nasud, ilabi na taliwala sa pagtaas sa panginahanglan samtang nagkaduol ang holiday season.
Gipasiugda sa kalihim nga ang kahimsog sa mga hayop sa nasud nagpabilin nga prayoridad sa departamento, ug ang hugot nga pagbantay padayon nga gihimo aron malikayan ang pagsulod sa bisan unsang klase sa sakit nga makadaot sa agrikultura ug ekonomiya
via: DA.gov.ph
