Gipakusgan pa sa kapulisan sa Police Regional Office-10 Kon PRO-10 ang kampanya kontra ilegal nga druga,ilegal nga pagbaton sa armas ug uban pa dinhi sa Northern Mindanao.
Gibutyag ni PRO-10 Spokesperson PMajor Joan Navarro nga ilang namonitor nga misaka ang naglambigit sa illigal nga druga rason nga mihimo sila sa dugang lakang tungod sa nagkataas nga ihap sa migamit niini.
Dugang ni Navarro nga ang mga high value individual o source ang ilang gisiguro sa pagdakop ug nangayo ang kapulisan sa suporta sa publiko alang sa pagtabng sa pagreport kanila aron mga masikop ang tigpayuhot sa illegal nga druga.
Samtang lakip sa gitutukan sa kapulisan ang pagbaton sa mga illegal nga armas aron dili kini magamit sa bisan unsang klasing krimen ug magpabiling hapsay ug malinawon ang Region X.
