Gideklarar nga dead on arrival sa nag-atiman nga doktor ang usa ka lalaking aksidenteng nabanggaan sa sakyanan sa Sayre Highway, Purok 4, Laguitas, Malaybay City, Bukidnon. niadtong nakalabayng gabii.
Giila ang biktima nga 44-anyos nga lalaki usa ka trabahador ug residente sa Purok 10, Mabuhay, San Jose, sa dakbayan kinsa nakahiagom ug grabeng samad sa kalawasan human sa aksidente.
Sa inisyal nga imbestigasyon nasayran nga ang puti nga Hino Aluminum van, gimaneho sa usa ka 32-anyos nga lalaki, lulan ang mga dry goods, gikan sa Cagayan de Oro City paingon sa Davao City nagbiyahe subay sa lugsongon nga bahin sa dalan dihang pag-abot sa dapit nahitaboan, nadasmagan sa atubangang bahin niini ang biktima kinsa mitabok gikan sa amihanang bahin sa dalan paingon sa highway.
Pagkahuman, ang atubangang bahin sa maong sakyanan nakabangga pa sa atubangang bahin sa pula nga Suzuki multicab, rehistrado sa usa ka 39-anyos nga lalaki kung asa giparking parallel sa daplin sa dalan sa southbound sa maong lugar.
Tungod sa impact nakaangkon og seryoso nga samad sa lawas ang biktima kinsa gihatod pa sa balay tambalanan apan nakabsan sa kinabuhi. Sa karon nagtingkagol sa Malaybalay City Police Station ang driver sa Van alang sa tukmang disposasyon
via: Malaybalay City Police Station
