Gipaubos na sa Sangguniang Panlungsod ang Valencia City sa State Of Calamity human miigo ang kalit nga pagbaha sa pito ka barangay kung asa upat ka tawo ang namatay, upat ang missing, ug liboan ka mga indibidwal ang nawad-an og puy-anan.
Ang deklarasyon giaprobahan pinaagi usa ka special session kagahapon Setyembre 19, 2025 subay sa rekomendasyon sa City Disaster Risk Reduction and Management Council (CDRRMC), nga gipangulohan ni Mayor Junamie Galido-Galario ug sa gihimong Rapid Damage Assessment And Needs Analysis (RDANA) sa City Disaster Risk Reduction and Management Office
Ang maong lakang agig legal nga basihanan sa lokal nga pangagamhanan aron magamit ang β±33-million nga quick response fund alang sa relief, recovery, ug nagpadayon nga rehabilitation efforts
Usa ka Black Hawk helicopter sa militar ang mitugpa usab sa barangay Pinatilan kagahapon aron ipakatap ang mga personahe alang sa reinforcement sa mga operasyon sa syudad
Kahibaloang temporaryo nga gisuspinde ang clearing, search, ug retrieval operations mga ala 1:00 sa kagahapon Biyernes human gikataho ang bag-ong pag-ulan sa bukirong bahin sa Barangay Guinoyoran duol sa Mt. Kalatungan, diin nahimutang ang Magsal ug Migtulod creeksβmga sanga sa Panlibatuhan creek.
Sa karon, padayon nga nagpaabot ug mga hinabang ang katawhan gikan sa lain-laing sector ngadto sa mga biktima nahimutang sa Evacuation Center lakip niini sa RSV Group of Companies samtang naghatag usab ug serbisyo medical ug uban pa ang kagamhanan
via : City Government of Valencia
