Gipildi sa Finland ang back-to-back Olympic champions nga France sa nagpadayon nga FIVB Men’s Volleyball World Championship. Ang Finnish spiker nga si Joonas Mikael Jokela maoy nangulo sa team ug miiskor og 20 puntos sa iyang overtime nga performance.
Dili sayon alang sa Team Finland nga pildihon ang Olympic gold medalist human maabot ang duwa ngadto sa lima ka sets. Nakadaog ang Finland sa unang set (25-19) apan hingpit silang gilupig sa France sa ikaduhang set, 25-17.
Ang ikatulong set nakuha usab sa Finland (29-27) ug napugos ang ikaupat nga set nga mahimong mas mubo nga laban. Hinuon, nakabawi na usab ang Olympic champion ug midaog og 25-21. Pagsulod sa deciding set, ang Finnish team mipakita dayon og dominanteng performance ug midaog og 15-9.
Kahinumdoman sa duwa tali sa Finland ug Argentina sa nagpadayong torneyo, niabot sab sa lima ka sets apan napildi ang Finnish team. Ang Finland gikatakdang makigsangka sa Team Korea sa sunod nga duwa. Kon makadaog kini sa duwa, ang maong team moabante sa Round of 16.
Photo courtesy:GMA
