Padayong naga-atubang og mga hagit ang sektor sa edukasyon dinhi sa dakbayan labi na sa hisgutanang imprastraktura, suporta sa mga magtutudlo ug pagdaginot sa limitadong resources sa edukasyon.
Tungod niini, mipasalig ang City Council Committee on Education og hugot nga suporta ngadto sa sektor sa edukasyon atol na sa pinakaunang meeting sa Local School Board kon LSB ning syudad.
Gilaraw sa komitiba ang hugot nga koordinasyon sa mga opisyal sa DepEd-Cagayan de Oro Division ug sa LSB aron nga matubag kini nga mga problema ug madugangan ang ilahang inisiyatiba diha sa pagpalambo sa kalidad sa edukasyon alang sa mga kabataan labi pa nga ang pagtutok sa edukasyon dakong tampo diha sa kalambuan sa syudad.
Kahibaluang ang LSB ang educational arm sa lokal nga panggamhanan sa syudad nga nagtumong nga mahisubay ang mga programa, polisiya ug resource allocation sa pagtubag panginahanglan sa mga tulunghaan, magtutudlo ug mga estudyante.
