Taliwala sa daghang paningkamot sa syudad, karon ug sa nilabay nga mga administrasyon nga masulbad ang problema sa dagan sa trapiko, makasubo nga hangtud ning kasamtangan nagtunhay gihapon kini nga problema.
Gipaabot ni Konsehal Jon-jon Rodriguez ang iyahang concern kabahin niini nga problema kung asa iyang gisaysay nga daghan naman namugna nga lakang, ordinansa ug resolusyon apan kulang pa gihapon sa hugot nga pagpatuman sa nagtunhay nga mga balaud sa syudad.
Gipunting sab sa Konsehal nga usa sa nakita niyang hinungdan sa problema sa trapiko ang wala pagsubay o pagsunod sa ginapatuman nga truck ban sa syudad lakip na ilegal parking.
Gisugyot niini nga ipatuman ang truck ban gikan alas sais sa buntag hangtud na sa alas siete sa gabie aron nga maminusan ang paghuot sa mga sakyanan diha sa nag-unang kadalanan ning syudad
