Naglaom ang Mexican boxer nga si Canelo Alvarez nga motugot si US boxer Terrence Crawford sa usa ka rematch. Kini human sa kadaogan ni Crawford pinaagi sa unanimous decision sa ilang welterweight title fight.
Matod ni Alvarez, nga nahimong kasaysayan ang maong dula ug mas nindot pa unta kini kung mausab diin andam siya sa subling pakig-away.
Nakatulo ang luha ni Crawford sa pag-ingon ni Michael Buffer nga siya ang nakadaog, kung asa pabor kaniya ang mga judges human sa 12-round. Nagdayegay ang duha sa usag usa tungod sa ilang gipakita nga kusog sulod sa boxing ring.
Gikonsiderar usab kini nga labing dako nga boxing match nga gihimo sa US sukad sa pagdaog ni Floyd Mayweather batok ni Manny Pacquiao.
Ang 37-anyos nga si Crawford nahimong world champion sa lima ka division ug siya usab ang unang lalaking boksingero sa four-belt era nga gikoronahan nga undisputed champion sa tulo ka weight classes, ang junior welterweight, welterweight ug super middleweight.
Kini usab ang unang higayon nga napildi ang 35-anyos nga si Alvarez sa super middleweight sulod sa 12 ka away.
Adunay record si Alvarez nga 63 ka daog, tulo ka pildi ug duha ka draw, diin 39 niini knockout, samtang si Crawford adunay 42 ka daog, wala pay kapildihan, ug adunay 31 ka knockouts.
Photo courtesy of the-sun.com
