Gikompirma sa usa ka showbiz intelligence nga wala nay posibilidad nga magkabalik pa ang kanhi magka-relasyon nga sila Julia Barretto ug Gerald Anderson.
Gibutyag sa mga kasaligan nga source nga karon aduna nay laing gikalambigitan si Julia nga usa ka old businessman nga gituhuang si Lucas Lorenzo, CEO sa RestaurantConcepts Group, Inc.
Si Lucas, usa ka equestrian turned businessman, ang igsoon sa mga bana nila Erich Gonzales ug Claudia Barretto nga sila Matteo ug Basti Lorenzo.
Sumala pa sa source, kung magkadayon man sila Lucas ug Julia, dako ang posibilidad nga biyaan ni Julia ang showbiz aron magpokus sa personal niyang kinabuhi.
Sa usa ka interview, gipadayag mismo ni Lucas nga siya ang CEO sa RCGI, usa ka kompaniya nga nagdumala sa mga inila nga fine dining restaurants sama sa Barcino, Bluesmith, Meat Depot, ug Single Origin.
Nag-ingon ang mga tsismosa nga suwerte kaayo si Julia kang Lucas, tungod sa pagka-entrepreneurial niini ug disente nga profile.
Sa pagkakaron, wala pa nihatag og reaksyon si Gerald Anderson kabahin sa maong isyu.
Photo courtesy: Philnews.ph
