Limitado na lang ang preparasyon sa Gilas Pilipinas alang sa 2025 Southeast Asian Games sa Thailand. Matud ni Head Coach Norman Black, gilauman nga masugdan na usab ang pag-practice kada lunes dungan sa pagpuno balik sa koponan.
Pagpasabot ni Black, lisud na ang sitwasyon gumikan kadaghanan sa magdudula, may mga obligasyon sa ilahang mga liga ug koponan kalakip sila Ray Parks ug Matthew Wright nga kasamtangang nagdula sa Japan.
Gumikan niini, gilauman ang walo ka adlaw lang nga pag-practice sa dili pa muabot ang adlaw sa kompetisyon nga mahimo sa magdudula.
Apan, gituohan sa Coach nga makatabang ang regular nga ensayo bisan usa lang ka beses matag semana aron maenad ang mga magdudula.
Kalakip sa listahan nga mi-commit sila Justin Brownlee, Ange Kouame, Remy Martin, Jason Brickman, Dave Ildefonso ug Veejay Pre.
Photo courtesy to: Spin.ph
