𝐃𝐔𝐇𝐀 𝐊𝐀 𝐒𝐈𝐍𝐆𝐋𝐄 𝐌𝐎𝐓𝐎𝐑 𝐍𝐀𝐆𝐁𝐀𝐍𝐆𝐆𝐀 𝐍𝐀𝐓𝐈𝐎𝐍𝐀𝐋 𝐇𝐈𝐆𝐇𝐖𝐀𝐘 𝐒𝐀 𝐋𝐎𝐂𝐔𝐁𝐀𝐍, 𝐃𝐔𝐌𝐀𝐋𝐈𝐍𝐀𝐎, 𝐙𝐀𝐌𝐁𝐎𝐀𝐍𝐆𝐀 𝐃𝐄𝐋 𝐒𝐔𝐑

Duha ka motor ang aksidenteng nagbangga sa may national highway, Brangay Locuban, Dumalinao, Zamboanga del Sur, niadtong nakalabay nga adlaw.

Ang mga motor nga nalambigit sa panagbangg mao ang XTZ color itom/ yellow ug usa ka Xrm 125 Color gray.

Sa nakuhang kasayuran sa Juander Radyo News Team, ang single motor XRM nga gimaneho ni alyas “Arnel” nga lumulupyo sa Montealegre, Aurora, naggikan sa lungsod sa Dumalinao paingon sa syudad sa Pagadian.

Apan pag-abot sa kurbadahong bahin sa lugar nahitaboan, kalit nalang siyang gibanggaan sa nagmanehong Driver sa XTZ nga giilang sa alyas “Talibong” nga lumulupyo ra sa nahisgutang lugar.

Naka-angkon ug samad sa nawong ug bun-og sa tiil ang driver sa XRM nga si alyas “Arnel”ug dali gidala sa mirespondeng PNP personnel sa RHU Dumalinao.

Diin human sa panghitabo, dali usab nga misibat ang Driver nga nagmaneho sa XTZ  paingon sa ibabaw nga bahin sa lugar ug ginapangita pa karon sa PNP aron papanubagon sa iyang salaod.

Samtang, ang duha ka mga motor nga nalambigit sa panagbangga gidala PNP Dumalinao nga parehong naakaangkon ug mga damyos.