Gipahibalo sa Philippine Football Federation (PFF) nga ang tanang dula alang sa FIFA Futsal Women’s World Cup ipahigayon na lamang sa Pasig City. Matod sa PFF, dili na host city ang Victorias City, Negros Occidental.
Human sa komprehensibo nilang pagtuon sa mga logistical ug operational consideration ug sa kasamtangang sitwasyon, nakadesisyon sila nga dili mahimong host city ang Negros Occidental.
Buot sa FIFA ug sa Local Organizing Committee nga mokunhod ang gidaghanon sa mga dapit nga pahigayunan sa kalihokan.
Una nang napili ang Victorias City Coliseum isip venue sa dula apan karon sa PhilSport Arena na lang kini himoon.
Ang torneyo magsugod gikan sa Nobyembre 21 hangtod Disyembre 7.
Photo courtesy:Spin.ph
