Nagpahigayon og Business Matching Activity ang Department of Trade and Industry (DTI) – Comprehensive Agrarian Reform Program (CARP) tali sa BARFA Agriculture Cooperative (BARFACO), Bobongon Integrated Farmers Association (BOIFA), ug Bobongon Tree Planters Association, Inc. (BTTPAI) uban sa TADECO Livelihood, pinaagi sa Strategy Pillar on Market Development and Marketing Services.
|
Mo-supply og mga punoan sa saging isip raw materials ang TADECO isip pasiunang lakang samtang ang BARFACO ug BOIFA moproseso niini ngadto sa banana fiber, nga maghimo usab og bag-ong kahigayunan sa panginabuhian alang sa “Tagak Operation for Fiber.”
Gitumong usab sa BTTPAI ang pag-supply og mga poste sa kawayan aron mapalapad pa kini nga panagtambayayong. Usa lamang matud pa kini ka sinugdanan sa usa ka long-term nga kolaborasyon, uban sa dugang nga mga oportunidad sa panginabuhian sa dili madugay, nga makabenipisyo sa lokalidad sa Sto. Tomas, Davao del Norte ug sa Agrarian Reform Communities (ARCs).
Photo courtesy to:DTI Sto.Tomas
