Giangkon ni Janboy Actub, tigpamaba ni Mayor Klarex Uy nga adunay delayed sa pagpasweldo sa mga empleyado sa City Hall labi na kadtong dili mga regular.
Bag-ohay lang, daghang mga empleyado ang nagreklamo tungod sa delayed sa sweldo nga ang uban milanat na ngadto sa tulo ka bulan.
Matud ni Actub nga ning kasamtangan, anaa pa sa renewal ug evaluation stage ang syudad kung asa usa sa mga nakalangay sa pagpasweldo tungod kay mismong ang Mayor ang nangunay pag-check sa mga kontrata ug uban pang dokumento kabalot sa usa ka empleyado ug performance niini.
Dugang ni Actub nga nangunay ang mayor niini nga proseso tungod na sa mga taho nga adunay mga empleyadong na renew bisan paman dili maayo ang performance sa trabaho o poor ang evaluation sa ilang trabaho.
Pagpasabot ni Actub nga karon lang kini nga kalangay apan sa musunod nga mga bulan, lauman nga mahapsay na ang pagdawatan og sweldo sa mga trabahante.
