Na stress si Alex Gonzaga sa iyang ilong tungod sa Gore-Tex implant nga dugay na niyang implant. Sa iyang vlog nga giulohan nga“My Rhinoplasty Removal Journey by Alex Gonzaga”, iyang gi-butyag nga dugay na gyud niyang plano nga ipatangtang kini aron makapahuway siya sa kahasol nga iyang nasinati.
Sumala pa ni Alex, pirmi mamula ang iyang ilong labi na kung magbiyahe siya sa gawas sa nasud ug mausab ang klima. Tungod niini, pirme na lang siyang nagpanik ug motawag kang Dra. Vicki Belo, hinungdan nga nagdugang pa sa iyang kabalaka ug kapoy sa huna-huna.
Gipakita usab sa vlog ang tibuok proseso sa operasyon gikan sa pagtangtang hangtod sa iyang pag-recover. Iyang gipadayag nga dako ang iyang kalipay nga nahuman kini ug mas komportable na siya sa iyang dagway karon.
Samtang alang kang Vice Mayor Mikee Morada, bana ni Alex, walay kausaban ang hitsura sa iyang asawa ug matud pa nga mas importanteng malipayon ug komportable si Alex .
Photo courtesy: Philstar
