Natumbahan sa kahoy ang duha ka sakyanan, usa ka balay ug linya sa kuryente, human sa kusog nga ulan ug hangin nga niigo sa pipila ka bahin sa North Cotabato, hapon kagahapong adlawa.
Tungod niini, nalumping ang Toyota Fortuner ug minivan human nga natumba ang dakong puno-an sa Talisay sa Barangay Saguing, Makilala, North Cotabato.
Kini usab ang hinungdan sa pagkawala sa kuryente sa pipila ka bahin sa naasoy nga munisipyo.
Samtang, dali usab nga giaksyonan sa mga personahe sa Municipal Disaster Risk Reduction and Management Office sa Makilala, aron tanggalon ang kahoy nga nahagba. Wala usab natala nga naangol sa panghitabo.
Subay niini, ni-aksyon usab dayon ang Cotabato Electric Cooperative kon COTELCO, aron maayo ang linya sa kuryente.
Photo courtesy to:Jun Jacolbe
