Nagtanyag karon ang Federal Bureau of Investigation (FBI) ug kantidad $100,000 (gibana-bana nga ₱5.5 milyon) nga reward alang sa impormasyon nga motultol sa nahimutangan sa suspek nga responsable sa pagpusil-patay kang Charlie Kirk, usa ka prominenteng konserbatibo nga tawo sa Estados Unidos.
Sumala sa mga awtoridad, usa ka high-powered rifle nga gituohang gigamit sa krimen ang nakuha, ingon man ang pipila ka pisikal nga ebidensya nga makatudlo sa pagkatawo sa naghimo sa krimen. Bisan pa, ang suspek wala madakpi, ug ang usa ka bug-os nga imbestigasyon sa FBI ug lokal nga pulisya nagpadayon.
Aron makatabang sa pagpangita, ang FBI nagpagawas usab og CCTV footage nga nagpakita sa suspek nga misibat gikan sa dapit sa insidente.
Si Kirk gipusil-patay samtang nagtambong sa usa ka publikong kalihokan sa Utah sa miaging semana. Ang insidente nakapakurat sa iyang mga fans ug sa konserbatibong komunidad sa Amerika.
Sa laing bahin, ang Presidente sa US nga si Donald Trump una nang mipahibalo nga iyang ihatag sa posthumously si Kirk ang Presidential Medal of Freedom, ang pinakataas nga dungog sa sibilyan sa Estados Unidos, isip pag-ila sa iyang “gipakita nga mga hiyas ug pasalig sa prinsipyo.”
Nanawagan ang FBI sa publiko nga i-report dayon ang bisan unsang kasayuran nga makatabang sa kaso, pinaagi sa hotline o website niini, ug gipasalig ang pagpanalipod sa mga identidad sa mga impormante.
via : FBI
