Nagpahigayon og lain-laing tribute o paghinumdom ang Estados Unidos sa pagsaulog sa ika-24 nga tuig sa September 11, 2001 nga pag-atake sa mga terorista.
Kahinumduman nga sa pag-atake, mikalas og 2,977 ka tawo ang namatay sa World Trade Center sa Manhattan, The Pentagon sa Arlington, Virginia, ug sa Somerset County, Pennsylvania.
Ang tinuig nga commemoration ceremony ipahigayon sa 9/11 Memorial sa Lower Manhattan. Samtang ang New York City Fire Department (NYFD) maghinumdom sa 39 nila ka miyembro nga nasakit ug namatay tungod sa walay hunong nga rescue operations niadtong panahona.
Aduna usab pagtingog sa kampana nga ipahigayon sa Garden of Reflection sa Bucks County, Lower Makefield, ang opisyal nga memorial sa mga biktima sa Pennsylvania.
Magpahigayon usab og flag memorial service ang Hartsville Fire Company sa York Road sa Warminster. Ipakita nila ang 403 ka bandila sa Amerika atubangan sa ilang fire station. Kini nga mga bandila naglangkob sa 343 ka bombero gikan sa New York City, 37 ka New York Port Authority officers, ug 23 ka New York Police Department nga namatay samtang nagluwas sa mga biktima.
Kahinumduman nga gi-hijack sa mga terorista ang mga eroplanong pampasaheruan, diin gipabangga kini sa World Trade Center Building, samtang ang ubang pag-atake sa Pentagon napugngan.
Photy courtesy:Britanicca
