Nisaka ngadto sa 5.3 porsiyento ang unemployment sa nasod niadtong Hulyo nga nagtimaan sa kinatas-ang lebel sukad niadtong Agosto 2022, tungod sa sunod-sunod nga mga bagyo nga nakabalda sa mga kalihokan sa ekonomiya sa daghang mga probinsiya base sa taho sa Philippine Statistics Authority (PSA)
Gibutyag ni National Statistician Dennis Mapa sa usa ka press conference nga ang gidaghanon sa walay trabaho misaka gikan sa 3.7 porsyento sa Hunyo ug 4.7 porsyento sa Hulyo sa miaging tuig ngadto sa 2.59 milyones gikan sa 1.95 milyones niadtong Hunyo.
Ang employment rate mius-os gikan sa 96.3 porsyento sa Hunyo ngadto sa 94.7 porsyento sa Hulyo, diin ang kinatibuk-ang gidaghanon sa mga nagtrabaho nga mga Pilipino mikunhod ngadto sa 46.05 milyones gikan sa 50.47 milyones sa miaging bulan.
Samtang, ang underemployment rate – kadtong gusto og dugang oras sa trabaho – misaka ngadto sa 14.8 porsyento, nga gihubad ngadto sa gibana-bana nga 6.8 ka milyon nga underemployed nga mga Pilipino.
Mius-os usab ang partisipasyon sa labor force ngadto sa 60.7 porsyento, nga adunay 48.64 ka milyon nga mga Pilipino sa labor force, gikan sa 65.7 porsyento nga partisipasyon ug 52.42 ka milyon sa Hunyo.
via: PSA
