Moduol ang Samahang Basketbol ng Pilipinas kon SBP sa liderato sa UAAP ug NCAA, aron manghulam og big man aron mokompleto sa Gilas Pilipinas sa 33rd Southeast Asian Games sa Thailand karong Disyembre.
Buhaton kini ni Gilas Pilipinas coach Norman Black ug SBP executive director Erika Dy, bisan pa sa mga komplikasyon sa schedule sa Thailand SEA Games ug sa UAAP ug NCAA seasons.
Sumala pa ni Black, nga nag-istoryahanay na sila sa UAAP ug sa ubang mga liga aron tan-awon kung pwede ba silang makahulam sa ilang mga players.
Nalakip na sa national team ang naturalized players nga sila si Justin Brownlee ug Ange Kouame, kauban ang mga player sa Japan B.League nga sila Ray Ray Parks Jr. ug Matthew Wright, kanhing NCAA Division 1 campaigner Remy Martin, MPBL standouts Dave Ildefonso, Jason Brickman ug collegiate player Veejay Pre.
Dugang pa ni Black, nga kung tan-awon ang lineup nga naa karon, kadaghanan kanila mga guwardiya, mga wingmen. Gidominar sa Gilas Pilipinas ni Mentor Tim Cone ang Cambodia sa gold medal match sa 2023 SEA Games human gipildi ang Indonesia niadtong 2021 didto sa Hanoi, Vietnam. Ang 2025 Thailand SEA Games gikatakda sa Disyembre 8 hangtod 20.
Photo Courtesy: Samahang Basketbol ng Pilipinas
