Subling gipahimangnuan sa Department of Health (DOH) ang publiko batok sa mga website, social media, page, ug indibidwal nga nagpakaaron-ingnon nga official website sa ilang buhatan.
Kini gumikan sa mikatag nga post ug mga advertisement sa social media kabahin sa paggamit ug mga fake account sa pag-endorso.
Gihingusgan sa DOH nga ang mga produktong gi-endorso sa maong mga account, walay kalabutan o pagtugot gikan sa ilang buhatan.
Matud sa DOH nga nagpabilin silang neutral ug walay bisag unsa mang koneksyon sa mga negosyo o komersyal endorsements.
Dungan niini, hugot ang panawagan sa DOH sa publiko nga beripikahon una ang registration sa usa ka produkto sa Food and Drug Administration (FDA) pinaagi sa ilang portal aron masiguro ug malikay sa pelegro.
Photo courtesy to:DOH
