Gipahugtan na sa lokal nga panggamhanan sa Iligan ang preparasyon alang sa umaabot nga pagpakanaug sa imahe ni Sr. San Miguel karong Septembre 20,2025, usa sa pinaka-highlight nga seremonya sa kasaulogan sa fiesta sa syudad.
Gisugdan na ang koordinasyon sa mga ahensya tungod sa gilauman nga pagdagsa sa mga deboto, nga motambong sa maong espesyal nga ritwal, nagtimaan sa pagsugod sa siyam (9) ka adlaw nga novena, paingon sa kapistahan ni Sr. San Miguel Arkanghel sa Septembre 29.
Gibutyag nga ang imahe ibutang gikan sa pedestal ngadto sa plataporma nga mas duol sa mga tawo, nga nagpakita sa iyang presensya ug proteksyon sa komunidad.
Sa eksklusibong pakighinabi sa Juander Radyo News Team gibutyag ni Dr. Darwin Manubag- City Administrator, Iligan City nga ang pagpakanaug ug ang kapistahan kabahin sa Diyandi Festival, ang longest-running tri-cultural celebration sa Iligan nga nagpasigarbo sa panaghiusa sa Kristiyano, Muslim, ug Higaonon.
Samtang gisugdan na usab ang mga aktibidad sa Diyandi Festival. Gipasabut usab ni Manubag nga ang pulong nga “Diyandi” gikan sa Binisaya nga nagpasabot og “pagsaulog” o “paglipay” ug kini nagduyog sa espiritu sa panaghiusa ug kalingawan sa dakbayan.
