Malampusong nagpahigayon og Road Safety Seminar ug Theoretical Driving Course (TDC) ang General Santos City Eagles Club, Inc., uban sa pakigtambayayong sa Local Government Unit sa Maasim Sarangani Province.
Kini nga inisyatiba gisuportahan usab sa Land Transportation Office (LTO) Region XII ug sa LTO Tambler Extension Office, uban sa pagpahigayon og pag-apod-apod sa mga plaka sa motorsiklo nga narehistro gikan sa 2014 hangtod 2017.
Gipresentaran kini sa Municipal Administrator-designate nga si Ms. Laarni Tapan uban sa pagpasiugda sa importansya sa libreng mga seminar nga makatabang sa pag-edukar ug paghatag pagtagad sa mga lokal nga drayber ngadto sa mas luwas ug mas responsable nga paggamit sa dalan.
Anaa usab sila si Mr. Lloydie Gabales Labanon sa LTO Region XII, Sir Moamar M. Madid sa LTO Tambler, ug mga sakop sa General Santos City Eagles Club, Inc., nga nagtinabangay aron masiguro ang kalampusan sa programa.
Photo courtesy to:maasim information office
