Wala pa gi-ubos ang Zoning Category sa African Swine Fever (ASF) sa tulo ka mga lungsod sa nga anaa sa lalawigan sa Zamboanga del Sur, ning kasamtangan.
Kini subay sa gipagawas nga tala sa Philippine Crop Insurance Corporation (PCIC) Region 9 atol sa eksklusibo nga pakighinabi sa Juander Radyo News Team.
Sa karon pabilin nga ilawom sa “Red Category” o infected zone ang lungsod sa Tabina, Pitogo lakip na ang Dimataling, Zamboanga del Sur nga nagpasabot nga may natalang outbreaks sa African Swine Fever (ASF) ug taas nga chansa sa disease transmission.
Ilawom usab sa “Yellow Category” ang mga lungsod sa Dinas, Dumingag, Labangan, Lapuyan, Midsalip, San Miguel, San Pablo, Josefina ug Guipos, nagpasabot nga pabilin nga under surveillance zone ang maong mga lugar.
Ang lungsod sa Sominot, Vincenzo Sagun, Aurora, Mahayag, Margosatubig, Molave, Ramon Magsaysay, Tambulig ug Tukuran ilawom sa “Pink Category” o buffer zone, nagpasabot nga luwas sa ASF ug gitugutan ang pagpagawas sa mga buhing baboy pinaagi sa pagpresentar sa safety requirements sa LGU.
Tulo usab ang anaa sa “Light green Category” o protected zone, nga naglangkob sa syudad sa Pagadian, Dumalinao ug Lungsod sa Kumalarang, samtang usa lang ka lungsod ang ilawom sa “Green Category” o Free Zone.
Nunot sa maong Zoning Category, pabilin nga wala nagdawat ug mga hograisers nga magpasiguro sa ilang mga binuhing baboy ang Philippine Crop Insurance Coporation (PCIC) Region 9, ilabina sa lungsod nga ilawom pa sa Red Category niining mga panahona.
Photo Courtesy to: DA-BAI FB Page
