Gikinahanglan na nga mailisan ang mga tubo o linya sa tubig labi na sa pipila ka mga barangay nga mokabat na sa 4 hangtod lima ka dekada ang kadugayon.
Gisaysay ni Cagayan de Oro City Water District kon COWD Chairman of the Board Dean Gerry Caño nga nalakip man sa ilahang 10-year development plan ang pag-ilis sa mga karaang tubo, pagdugang og mga reservoir lakip na pagtukod og mga planta alang sa bulk water, apan pangitaan pa kini nila og budget.
Gawas nalang kung madalag hangyo ang gobyerno partikular na ang DPWH nga gibuhusan og binilyong pondo nga gahinan sab ang COWD og pondo aron mahitabo ang mga dugang linya o water source aron nga mapalambo pa ang serbisyo sa tubig sa syudad.
