Dakpan sa kapulisan ang giilang Top 1 Most Wanted Person (Municipal Level) human sa gikasang operasyon sa kapulisan sa Barangay Basagan, lungsod sa Katipunan, Zamboanga del Norte niadtong Septyembre 4, 2025.
Ang dinakpan giila nga si Ecler Gumanad Onde, 60 anyos, mag-uuma ug residente sa Barangay Lopero, Jose Dalman, Zamboanga del Norte kinsa gisikop pinasikad sa kasong Rape nga gipagula sa Family Court, 9th Judicial Region, Sindangan, pinetsahan ug Hulyo 24, 2025 nga walay pyansa nga girekomendar ang korte.
Gipangunahan ang nasangpit nga operasyon pinaagi sa mga personahe sa Jose Dalman Municipal Police Station, sa koordinasyon sa Katipunan Municipal Police Station ug 1st Zamboanga del Norte Provincial Mobile Force Company hinungdan sa malampusong pagkasikop sa suspetsado.
Sa pagkakaron ang suspetsado naka kustodiya na sa Jose Dalman MPS alang sa hustong disposisyon.
Photo Courtesy: Jose Dalman MPS
