Pakyas ang Department of Health (DOH) sa pagpasabot kung asa napadulong ang dakong bahin sa ₱89.9 bilyon nga kantidad sa sobra nga pondo sa PhilHealth nga gibalik sa gobyerno sa National Treasury niadtong 2024.
Gibutyag ni Health Secretary Teodoro Herbosa atol sa budget briefing nga gipahigayon sa Kamara nga mokabat sa ₱30 bilyones sa kinatibuk-ang kantidad sa pundo ang gigamit sa pagbayad sa health emergency allowance sa mga health worker sa nasud.
Dugang pa niya nga kini nga bayad gihimo aron mapun-an ang kanhing depisit nga mokabat sa kapin sa ₱27 bilyon. Busa, ang bahin sa pundo padulong sa pagbayad sa mga benepisyo sa mga health worker.
Apan matud pa nila nga dili sila makasiguro kon asa napadulong ang nahabiling pundo gikan sa ₱89.9 bilyones.
Ang bugtong ahensiya sa gobyerno nga adunay kompletong detalye bahin sa nahimutangan sa maong pundo mao ang Department of Finance (DOF). Busa, limitado ang impormasyon nga mapaambit sa DOH bahin niining butanga.
Photo Courtesy:Current ph
