Mokabat sa 15 ka indibidwal ang patay ug kapin sa 30 ang angol human sa nahitabong suicide bombing sa Pakistan. Nahitabo ang insidente duol sa political rally sa Balochistan National Party (BNP) sa Quetta stadium nga nahimutang sa Balochistan province.
Gituohan nga ang Islamic State militant group maoy responsable sa maong pagbuto. Ang Balochistan nahimutang sa border sa Afghanistan ug Iran, ug kini ang labing dako ug labing kabus nga rehiyon.
Matod ni Balochistan health minister Bakht Muhammad Kakar nga wala na nakasulod ang suicide bomber sa political rally tungod sa hugot nga seguridad nga gipahigayon sa lugar.
Gisaway usab ni Pakistan Prime Minister Shehbaz Sharif ang insidente, diin iyang giingon nga dili gayud moundang ang pagkatap sa terorismo sa maong lugar.
Photo courtesy to: The Seatle Times
