Nagpahigayon ug ceremonial signing ug pagsunog sa bandila sa CPP-NPA ang duha ka barangay sa syudad sa Valencia didto sa Barangay Sinabuagan Covered Court niadtong Agosto 29, 2025.
Ang maong kalihokan nagtimaan sa simbolikong pagbatok sa insurgency ug bag-ong pagpanumpa alang sa kalinaw ug kalamboan kung asa ang mga komunidad sa Barangay Sinabuagan ug Barangay Lumbayao mipadayag sa ilang lig-on nga baruganan alang sa kalinaw.
Wala lang sila mideklarar sa CPP-NPA-NDF isip “Persona Non Grata, apan gisunog usab nila ang bandila sa grupo usa ka klaro ug kusganong simbolo sa pagtalikod sa karaang kasaysayan sa kagubot ug insurgency.
Mitambong sa kalihokan si Atty. Francesco Manuel R. Valdez, isip representante ni Valencia City Mayor. Amie G. Galario, mga kapitanis sa nagkadaiyang Barangay ug ang Alpha “Arbiter” Company nga gipangulohan ni 1LT John Andrew S. Gloriani.
Ang ilang panagtinabangay nagpamatuod sa panaghiusa sa militar, gobyerno ug komunidad alang sa dugay kalinaw ug kalig-on.
via: 89th IB
