Nakatutok ang lalawigan sa Bukidnon nga mahimong panig-ingnan sa panaghiusa, hugot nga pagtuo ug mga paningkamot, atol sa gihimong Flag-Raising Ceremony, Parade of Colors, and Socio-Civic Parade, kagahapon Setyembre 1, 2025, subay sa tema “Bukidnon at 111 Years: Empowering Generations, Sustaining Our Legacy.”
Kini ang tipik sa pamahayag ni Governor Rogelio Oneil Roque sa maong sa selebrasyon kansang tema nagsilbi nga hagit ug saad nga mapagahum sa sunod nga henerasyon ug ipadayon ang legasiya diha sa pagpa-uswag sa mga industriya, pagpreserba sa kultura ug tradisyon alang sa umaabot.
Samtang gilakbitan usab niya ang pag-giya sa mahinungdanong papel sa Bukidnon isip usa sa mga nag-unang probinsya nga naga-contribute sa national food security ug economic stability.
Sumala pa, panahon na nga kab-oton sa Bukidnon ang haom nga pwesto, dili lamang isip usa ka probinsya nga importante sa nasud, apan usa usab ka probinsya nga mahinungdanon sa kalibutan.
Nakighiusa sa selebrasyon sa probinsya sa Bukidnon ang mga piniling opisyales, mga lumilihok sa nagkadaiyang syudad ug lungsod niini, uban sa nagkalain-laing ahensya sa gobyerno, CSOs, NGOs, academe, ug uban pang stakeholders sulod sa lalawigan.
Ang lokal nga panggamhanan sa lungsod ug syudad mipakita usab ug suporta sa maong panlantaw alang sa mas malungtarong kaugmaon sa tanang katawhan sa Bukidnon.
via: LGU Bukidnon
