Gipadayag sa Philippine Coconut Authority (PCA) nga padayon ang ilang scholarship program alang sa mga estudyanteng anak sa mga coconut farmers sa Iligan ug Lanao del Norte.
Sumala ni Carl Paul G. Alecante, Senior Agriculturist sa PCA Provincial Office, ang programa nagtinguha sa pagtabang sa mga kabataan nga dunay potensyal, apan limitado ang kapasidad sa ilang ginikanan nga magpadayon og eskwela.
Apil sa scholarship ang libreng edukasyon ug laptop, aron mas masuportahan ang mga estudyante sa ilang pagtuon sa moderno nga panahon, ilabi na sa digital learning.
“Ang among tinguha mao nga ang mga anak sa mga mag-uuma og lubi makakab-ot sa ilang edukasyon ug damgo sa kinabuhi,” matud pa ni Alecante.
Ang PCA scholarship usa ka konkretong lakang sa paghatag og pagtagad sa kontribusyon sa mga coconut farmers, nga dugay nang haligi sa agrikultura sa nasud.
Giduso sa PCA ang kinasingkasing nga suporta, dili lang sa uma, kundi hangtod sa tunghaan.
