Gipakita pag-usab ni Filipino-American NBA star Jordan Clarkson ang iyang suporta sa mga atleta nga may dugong Pinoy human motan-aw siya sa laban ni Filipino-Canadian tennis star Leylah Fernandez sa US Open sa New York. Nagmadaugon si Fernandez sa unang round batok kang Rebecca Marino, 6-2, 6-1, ug human sa duwa, iyang gipaambit sa social media ang litrato nila ni Clarkson.
Gidayeg usab ni Clarkson ang kalampusan ni Alex Eala, ang unang Filipina nga nakadaog sa US Open main draw human pildiha si Clara Tauson sa Denmark. Kini dili una nga higayon nga gisuportahan ni Clarkson si Fernandez, niadtong miaging bulan nakit-an usab siya sa Wimbledon player’s box.
Nalipay si Fernandez sa koneksyon nga iyang nakab-ot uban sa kaparehas nga atleta nga may dugong Pinoy sama nila Clarkson ug Eala. Samtang, parehong nakauswag sa ikaduhang round sa US Open sila Fernandez ug Eala.
Photo courtesy to: fastbreak.com.ph
