Milangkat ug tulo ka kampeonato sa Community Fire Auxiliary Group Category sa 2025 Regional Fire Olympics Ultimate Firefighters Challenge ang Barangay Cabulohan Community Fire Auxiliary Group (CFAG) nga nagrepresentar sa Lokal nga pagagamhanan sa Cabanglasan, Bukidnon nga gipahigayon didto sa Oroquieta City, Misamis Occidental kagahapon Agosto 28, 2025
Ang grupo nakadaog sa Bucket Relay, Ladder Rescue, ug Fire Pump Engine Relay Firefighting—nga nagpakita sa ilang kusog, kaisog, ug abilidad isip mga boluntaryong bumbero.
Kini nga kalampusan dili lamang hulagway sa ilang abilidad sa kompetisyon, apan simbolo usab sa pagkahiusa, disiplina, ug sakripisyo sa mga miyembro sa CFAG.
Gipangulohan sa Municipal Fire Marshal nga si F/INSP Stella D. Sanchez, kung asa dako ang iyang pasalamat sa suporta sa LGU Cabanglasan ilawom sa pagdumala ni Mayor Bernie C. Castillanes ug Vice Mayor Lolita N. Bullecer, uban sa SB Council, Barangay Cabulohan Council ni Kapitan Charlie C. Castillanes, ug MDRRMO Cabanglasan nga gipangulohan ni Engr. Marivie V. Sibayan.
Gihatagan ug dakong pagpasidungog ang mga BFP trainers, CFAG players, ug tanang kauban sa bansay nga naghatag sa ilang paningkamot ug panahon aron makab-ot ang maong kalampusan.
via: LGU Cabanglasan
