Mibalik na sa basketball court ang Indiana Pacers Star nga si Tyrese Haliburton, duha ka buwan human sa iyang malampusong operasyon.
Bisan paman dili pa siya makahimo sa naandang ‘running and shooting’ exercise, makalakaw siya sa basketball court ug maka-dribble na sa bola sulod sa pipila ka minuto.
Posible usab nga sa umaabot nga mga semana mas paspas ang iyang paglakaw nga wala’y alalay ug wala’y protective boot.
Kahinumdoman sa Game 7 tali sa Indiana Pacers ug sa Boston Celtics, si Haliburton dunay Achilles injury sa iyang tuo nga batiis, nga nakapugong kaniya sa pagduwa sa nahibiling bahin sa Finals.
Gipaubos dayon siya sa sunodsunod nga operasyon ug kasamtangang nagpailawom sa rehabilitasyon. Gawas sa rehab, ang Pacers star nakatambong sab og training camp sa Indiana Pacers Athletic Center diin nakig-interact siya sa 300 ka mga basketball campers.
Bisan og limitado ang range sa paglihok sa batan-ong guard, nakighalobilo kini ug nagpakig-uban sa mga batan on. Si Haliburton usa sa mga NBA Star nga nakahiagum og Achilles injury sa 2025 playoffs.
Ang guard sa Portland Trail Blazers nga si Damian Lillard ug ang forward sa Boston Celtics nga si Jayson Tatum maoy unang na injury, ug gipaubos usab sila sa rehabilitasyon.
Posibleng molungtad og tibuok season ang recovery o rehabilitation sa maong mga NBA stars tungod sa ilang injury.
Photo courtesy to:indy star
