Nag-apelar ang Parish Pastoral Council for Responsible Voting (PPCRV) nga posibleng kini na ang kataposang higayon nga ma-postpone ang Barangay ug Sangguniang Kabataan Elections (BSKE), human kini gibalhin gikan sa Disyembre 2025 ngadto sa Nobyembre 2026.
Matod ni PPCRV chairperson Evelyn Singson, importante ang regular nga pagpahigayon sa eleksyon aron mamintinar ang accountability sa mga opisyal ug ang pagsalig sa katawhan.
Gipasiugda niya nga ang balik-balik nga pag-postpone nga makadaot matud pa sa demokrasya. Kahinumduman nga bag-o lang gipirmahan ni Presidente Ferdinand Marcos Jr. ang Republic Act No. 12232 nga nagtakda og bag-ong petsa sa BSKE.
Sa samang higayon, ang BSKE ipahigayon matag upat ka tuig. Dugang pa, gidawat sa PPCRV ang rason sa pag-postpone aron mahatagan og dalan ang preparasyon sa labing unang Parliamentary Elections sa Bangsamoro Autonomous Region in Muslim Mindanao (BARMM) karong Oktubre 2025, apan giinsister ni Singson nga dili kini angayng rason aron kanunay nga i-postpone ang barangay elections.
Photo courtesy to:inquirer.net
