Namonitor sa Philippine Atmospheric Geophysical and Astrnomical Services Administrator (PAG-ASA) ang usa ka Low Pressure Area o LPA sa kadagatan duol sa Paracale ,Camarines Norte, sa alas 3:00 sa buntag kaadlawon ning adlaw’ng Martes, Agosto 26,2025 .
Kauban niini ang Southwest Monsoon o habagat nga nakaapekto sa daghang parte sa nasod, lakip na ang Northern Mindanao, Caraga, BARMM, ug Zamboanga Peninsula. Gilauman nga kini nga mga dapit makasinati og pag-ulan-ulan,kilat,ug mga pagpanalogdog.
Nunot niini gipahimangnoan ang mga residente nga nagpuyo sa mga lugar nga sagad bahaonon ug duol sa mga kasapaan o lugar nga posibleng maapektuhan sa pagdahili sa yuta nga magbantay ug mag-amping kanunay.
Samtang, localized thunderstorms gihapon ang posibleng masinati sa ubang bahin sa nasod.
Ang hangin magagikan sa habagat ngadto sa kasadpan, ug kasarangan lamang ang gikusgon. Ang balod sa dagat gibanabana nga mokabat lang sa 0.6 hangtod sa 1.8 meters, busa anaa gihapon sa mas malinawon nga lebel.
Photo courtesy of DOST-PAG-ASA
