Padayon ang gihimong pagbantay sa Securities and Exchange Commission (SEC) batok sa mga wala marehistro nga cryptocurrency platforms nga nagtarget sa mga Pinoy.
Sumala sa SEC, nagpagawas na sila og advisory kabahin sa mga wala marehistro nga crypto platforms.
Apil na niini ang Blofin, CoinW, DigiFinex, LBank, ug Pionex. Ang nahisgutang mga platforms nakita nga posibleng mogamit og mobile number sa Pilipinas, ug modawat usab og Philippine Peso.
Wala kini’y bisan unsang permit o dokumento nga gikan sa SEC. Kahinumduman nga sa miaging bulan, pipila usab ka iligal nga cryptocurrency platforms ang nasikop sa SEC nga nag-operate sa nasod.
Photo courtesy of news.ng
