Nakadawat og dugang nga P7 milyones nga pledges sa SPES Program ang Department of Labor and Employment (DOLE) Zamboanga del Sur gikan sa Central Office sa tuig 2025.
Gibutyag ni DOLE Provincial Director Miraflor Casanes, labing una pa lang sila nga nakadawat sa maong pondo diin kini tuyo aron magahinan ang mga estudyante nga mag-summer job.
Ang Special Program of the Employment of Students (SPES) usa counterparting scheme program sa DOLE tali sa LGU nga 60/40 aron magsilbing stipend allowance sa mga nag summer job nga tinun-an.
Gisaysay pa ni Casanes, dul-an sa dos mil ka mga tinun-an gikan sa tibuok probinsiya ang nakabenepisyo sa DOLE SPES program sa tuig 2025.
Kahibaloan, ang SPES Program gipondohan sa DOLE kada tuig aron sa paghatag ug temporaryong trabaho sa mga kabus apan takos nga mga estudyante.
Kini makatabang usab aron madugangan ang kita sa pamilya ug makatabang aron pagsiguro sa mga benepisyaryo nga makapadayon sa ilang edukasyon.
