Padayon pang gawasnon ang suspetsado nga nanigbas sa usa ka panday sa may Barangay Limbayan, Pitogo, Zamboanga del Sur, niadtong nakalabay nga adlaw.
Nasayran sa inisyal nga imbestigasyon sa kapulisan, gitigbas sa suspetsado ang biktima igo sa tuong agtang gamit ang sanggot atol sa ilang panagdula ug billiard gumikan sa ilang panaglalis.
Ang suspetsado naila sa alyas “Jordan”, samtang biktima naila sa alyas ” Dante” susamang hingkod ang panuigon.
Human sa panghitabo, ang suspetsado dali nga misibat sa wala hisayre nga direksyon, samtang gidala usab dayon sa mirespondeng nga pnp personnel sa Pitogo MPS ang biktima ngadto sa Pitogo RHU alang sa dinaliang medikasyon.
Panawagan sab sa kapulisan sa mga residente nga may impormasyon kabahin sa suspetsado sa pakigkutay diha sa ilang buhatan aron mapapanubag ang suspetsado sa iyang salaod.
Photo for illustration credits to: istock
