Natala sa Zamboanga del Sur Police Provincial Office (ZSPPO) ang laing kaso sa pagpanigbas za Purok 2, Barangay Bulawan, Lapuyan, Zamboanga del Sur, niadtong adlaw nga dominggo, Agosto 24, 2025.
Nailhan ang biktima sa alyas “Marlon” 47, anyos, samtang ang suspetsado nailhan sa alyas ” Erwin” nga managsama nga residente sa nahisgutan nga barangay.
Sa inisyal nga imbestigasyon sa kapulisan, una nga nagkalalis ang suspetsado ug iyang ka live-in partner (stepdaughter sa biktima) nga miresulta sa pagpanagpa sa suspetsado ngadto sa babaye.
Tungod sa hitabo, gikompronta sa inahan ug sa mismong biktima ang suspetsado nga miresulta sa init nga panaglalis ug pagpanigbas sa suspetsado ngadto sa biktima gamit ang sundang.
Samad sa ulo ang na-angkon sa biktima nga daling gidala sa Margosatubig Regional Hospital alang sa medikal nga attensyon.
Human sa panghitabo, boluntaryo nga mitahan ang suspetsado ngadto sa Barangay Officials sa Barangay Bulawan nga gitugyan dayon ngadto saΒ Lapuyan MPS alang sa pagpasaka sa tukmang kaso.
Photo courtesy to: ZSPPO
